2015 jylǵy 31 naýryz, Astana qalasy
Sý sharýashylyǵy júıeleri men qurylystarynyń qaýipsizdigin qamtamasyz etý qaǵıdalaryn bekitý týraly
Qazaqstan Respýblıkasynyń 2003 jylǵy 9 shildedegi Sý kodeksiniń 37-baby 1-tarmaǵynyń 7-3) tarmaqshasyna sáıkes buıyramyn:
1. Qosa berilip otyrǵan Sý sharýashylyǵy júıeleri men qurylystarynyń qaýipsizdigin qamtamasyz etý qaǵıdalary bekitilsin.
2. Qazaqstan Respýblıkasy Aýyl sharýashylyǵy mınıstrliginiń Sý resýrstary komıteti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelýden ótkennen keıin kúntizbelik on kún ishinde onyń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalanýǵa jiberilýin;
3) osy buıryqty Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Aýyl sharýashylyǵy vıse-mınıstrine júktelsin.
4. Osy buıryq alǵash resmı jarııalanǵan kúnnen keıin on kúntizbelik kún ótken soń qoldanysqa engiziledi.
Qazaqstan Respýblıkasy Aýyl sharýashylyǵy mınıstri A.MAMYTBEKOV.
«KELISILDI»
Qazaqstan Respýblıkasy Qarjy mınıstri ____________ B. Sultanov
« » 2015 jyl
«KELISILDI»
Qazaqstan Respýblıkasy Ulttyq ekonomıka mınıstri _______________ E. Dosaev
« » 2015 jyl
«KELISILDI»
Qazaqstan Respýblıkasy Ulttyq qaýipsizdik komıtetiniń tóraǵasy
_______________N. Ábiqaev
« » 2015 jyl
«KELISILDI»
Qazaqstan Respýblıkasy Ishki ister mınıstri _______________Q. Qasymov
7 sáýir 2015 jyl
«KELISILDI»
Qazaqstan Respýblıkasy Energetıka mınıstri ______________ V. Shkolnık
« » 2015 jyl
Qazaqstan Respýblıkasy Aýyl sharýashylyǵy mınıstriniń
2015 jylǵy 31 naýryzdaǵy № 19-4/286 buıryǵymen bekitilgen
Sý sharýashylyǵy júıeleri men qurylystarynyń qaýipsizdigin qamtamasyz etý qaǵıdalary
1. Jalpy erejeler
1. Sý sharýashylyǵy júıeleri men qurylystarynyń qaýipsizdigin qamtamasyz etý qaǵıdalary (budan ári – Qaǵıda) Qazaqstan Respýblıkasynyń 2003 jylǵy 9 shildedegi Sý kodeksiniń 37-baby 1-tarmaǵynyń
7-3) tarmaqshasyna sáıkes (budan ári – Kodeks) ázirlendi jáne sý sharýashylyǵy júıeleri men qurylystaryn salý, paıdalaný, jóndeý jáne qaıta jańartý kezinde sý sharýashylyǵy júıeleri men qurylystarynyń ıeleri nemese paıdalanýshy tulǵalar oryndaýlary mindetti talaptardy eskere otyryp, sý sharýashylyǵy júıeleri men qurylystarynyń qaýipsizdigin qamtamasyz etý tártibin aıqyndaıdy.
2. Osy Qaǵıdada mynadaı negizgi uǵymdar paıdalanylady:
1) sý sharýashylyǵy júıeleri men qurylystarynyń qaýipsizdigi – sý sharýashylyǵy júıeleri, qurylystary elementteriniń, adamdardyń ómirin, densaýlyǵyn jáne zańdy múddelerin, qorshaǵan orta men sharýashylyq obektilerin qorǵaýdy qamtamasyz etetin ózindik erekshelikteri;
2) sý sharýashylyǵy júıeleri men qurylystary qaýipsizdiginiń ólshemderi – sý sharýashylyǵy júıeleri men qurylystary apattarynyń týyndaý qateriniń jol beriletin deńgeıine sáıkes keletin sý sharýashylyǵy júıeleri men qurylystary jaı-kúıiniń tehnıkalyq kórsetkishteriniń jáne olardy paıdalaný sharttarynyń shekti deńgeıi.
2. Sý sharýashylyǵy júıeleri men qurylystarynyń qaýipsizdigin qamtamasyz etý tártibi
3. Qaýipsizdikti qamtamasyz etý sý sharýashylyǵy júıeleri men qurylystaryn jobalaý, salý, paıdalaný, jóndeý jáne qaıta jańartý kezinde qoıylatyn talaptar negizinde júzege asyrylady.
4. Sý sharýashylyǵy júıeleri men qurylystarynyń qaýipsizdigin qamtamasyz etý úshin, olardyń jumysy men jaı-kúıine qurylysyn salý úderisinde de, paıdalaný, jóndeý jáne qaıta jańartý kezinde de zattaı qadaǵalaý (monıtorıng) júrgiziledi.
5. Jobalaý satysynda sý sharýashylyǵy júıeleri men qurylystarynyń beriktigin, turaqtylyǵyn jáne uzaq merzimdiligin esepteý ádisterimen qamtamasyz etiledi.
6. Esepteý kezinde ınjenerlik izdenisterdiń nátıjeleri, sý sharýashylyǵy júıeleri men qurylystary ornalasqan jerdiń fýnksıonaldyq maqsaty men sıpaty, tireýshi qurylys konstrýksııalary buzylýynyń boljaldy saldary, sondaı-aq júktemeler men áserlerdiń qolaısyz birlese kelýi eskeriledi.
7. Jer silkinisi qaýpi bar aýdandarda sý sharýashylyǵy júıeleri men qurylystaryn salý kezinde bolýy múmkin qaýipti búlinýler men apattyq jaǵdaılardy boldyrmaý úshin arnaıy jobalyq-konstrýktorlyq sheshimder qoldanylady.
8. Sý sharýashylyǵy júıeleri men qurylystaryn salý obektilerinde qurylys úderisinde bógde aralasýdy boldyrmaý boıynsha, sondaı-aq bolýy múmkin dıversııalyq jáne terrorıstik aktilerge qarsy áreket etý boıynsha qorǵaý sharalary kózdelýi qajet.
9. Sý sharýashylyǵy júıeleri men qurylystarynyń ıesi nemese paıdalanýshy tulǵa sý sharýashylyǵy júıeleri men qurylystaryn fýnksıonaldyq maqsaty boıynsha qaýipsiz paıdalanýdy, olardyń tehnıkalyq jaı-kúıiniń qaýipsiz deńgeıin, sondaı-aq tehnıkalyq qyzmet kórsetýdi, aǵymdaǵy jóndeýdi jáne jetildirýdi qamtamasyz etedi.
10. Boljanatyn nemese bolǵan tabıǵı jáne tehnogendik sıpattaǵy tótenshe jaǵdaılarǵa baılanysty apattyń týyndaý qaýpi kezinde sý sharýashylyǵy júıeleri men qurylystarynyń ıesi nemese paıdalanýshy tulǵa qosymsha qaýipsizdik sharalaryn qabyldaıdy, sondaı-aq sý sharýashylyǵy júıeleri men qurylystarynyń baqylanatyn parametrleri belgilengen qaýipsizdik talaptaryna sáıkes kelmegen jaǵdaıda sý sharýashylyǵy júıeleri men qurylystaryn paıdalanýdan shyǵarý jóninde sharalar qabyldaıdy.
11. Sý sharýashylyǵy júıeleri men qurylystaryndaǵy tabıǵı jáne tehnogendik sıpattaǵy tótenshe jaǵdaılardyń saldaryn joıý tótenshe jaǵdaılardyń saldaryn joıý jónindegi is-sharalar josparyna jáne sý sharýashylyǵy júıeleri men qurylystaryn qalpyna keltirý jónindegi jobalyq qujattamaǵa sáıkes júzege asyrylady.
12. «Gıdromelıorasııalyq júıeler men sý sharýashylyǵy qurylystarynyń pasporttaryn júrgizý erejesin jáne pasport nysanyn bekitý týraly» Qazaqstan Respýblıkasy Aýyl sharýashylyǵy mınıstriniń
2009 jylǵy 4 maýsymdaǵy № 326 buıryǵymen bekitilgen (Normatıvtik quqyqtyq aktilerdiń memlekettik tirkeý tiziliminde № 5714 bolyp tirkelgen) nysandar boıynsha sý sharýashylyǵy júıeleri men qurylystarynda órtten, jarylystan jáne basqa da qaýipti jaǵdaılardan qorǵaý quraldary bolǵan jaǵdaıda sý sharýashylyǵy júıeleri men qurylystarynyń ıesi nemese paıdalanýshy tulǵa sý qoryn paıdalaný jáne qorǵaý, sýmen jabdyqtaý jáne sý burý salasyndaǵy ýákiletti organ bekitken úlgiler boıynsha sý sharýashylyǵy qurylystarynyń pasporttaryna sáıkes olardy jumysqa qabiletti kúıde ustaıdy.
13. Sý sharýashylyǵy júıeleri men qurylystaryn paıdalaný kezinde qaýipsiz kúıinde ustaýdy menshik ıesi nemese paıdalanýshy tulǵa kezeńdik tekserý júrgizý, tehnıkalyq qyzmet kórsetý jáne aǵymdaǵy jóndeý jolymen qamtamasyz etedi.
14. Sý sharýashylyǵy júıeleri men qurylystaryn jóndeý jumystarynyń jáne qaıta jańartý jónindegi jumystardyń baǵdarlamalaryn ázirleý júıeler men qurylystardyń jaı-kúıin jáne paıdalanylatyn sý sharýashylyǵy júıeleri men qurylystarynda apattyń týyndaý qateriniń deńgeıin (qaýipsizdik deńgeıin) baǵalaý negizinde júrgiziledi.
15. Kodekstiń 37-baby 1-tarmaǵynyń 3-1) tarmaqshasyna sáıkes sý sharýashylyǵy júıeleri men qurylystaryn qaıta jańartý kezinde qaýipsizdik deńgeıi sý qoryn paıdalaný jáne qorǵaý, sýmen jabdyqtaý jáne sý burý salasyndaǵy ýákiletti organ bekitken sý sharýashylyǵy júıeleri men qurylystary qaýipsizdiginiń ólshemderin saqtaý arqyly qamtamasyz etiledi.
16. Sý sharýashylyǵy júıeleri men qurylystarynyń ıesi nemese paıdalanýshy tulǵa irgeles jatqan aýmaqtaǵy adamdar úshin qaýip týdyratyn jumystardy júrgizgen kezde qaýipti aımaqqa kezdeısoq kirýdi boldyrmaý jóninde sharalar qabyldaıdy.
17. Sý sharýashylyǵy júıeleri men qurylystarynyń ıesi nemese paıdalanýshy tulǵa 25 jyldan artyq paıdalanýda bolǵan sý sharýashylyǵy júıeleri men qurylystaryn, olardyń jaı-kúıine qaramastan, olardyń beriktigin, turaqtylyǵyn jáne paıdalaný senimdiligin baǵalaı otyryp, jyl saıyn kóp faktorly tekserýden ótkizedi. 25 jylǵa deıin paıdalanýda bolǵan sý sharýashylyǵy júıeleri men qurylystary olardyń jaı-kúıine qaramastan, olardyń beriktigin, turaqtylyǵyn jáne paıdalaný senimdiligin baǵalaı otyryp, 5 jylda bir ret kóp faktorly tekserýden ótedi.
Buıryq Qazaqstan Respýblıkasynyń Ádilet mınıstrliginde 2015 jylǵy 30 maýsymda Normatıvtik quqyqtyq kesimderdi memlekettik tirkeýdiń tizilimine №11478 bolyp engizildi.